Ti Naimbag a Damag Kas Insurat Ni San Juan (in Ilocano)

E-book. — 56 p.Новый Завет, Евангелие от Иоанна (на илоканск. яз.)1:1 Sakbay a naparsua ti lubong, addan ti Sao, ket ti Sao adda idi iti Dios, ket no ania ti Dios, kasta met ti Sao. 2 Manipud idi punganay, adda ti Sao iti Dios. 3 Pinarsua ti Dios dagiti isuamin babaen kenkuana; ket awan ti naparsua no di babaen kenkuana. 4 Adda idi kenkuana ti biag, ket daytoy a biag isu ti silaw dagiti tattao. 5 Agraniag ti silaw iti sipnget, ket di mabalinan ti sipnget nga iddepen. 6 Imbaon ti Dios ti maysa a tao nga agnagan iti Juan. 7 Immay a mangpaneknek kadagiti tattao maipapan iti silaw tapno mamati dagiti amin a makangngeg kenkuana. 8 Saan nga isu a mismo ti silaw, ngem immay tapno paneknekanna ti maipapan iti silaw. 9 Daytoy ti pudno a silaw, ti silaw nga umay ditoy lubong ken manglawag kadagiti amin a tattao. 10 Ngarud, adda idin ti Sao ditoy lubong. Pinarsua ti Dios ti lubong babaen kenkuana; nupay kasta, saan a nabigbig ti lubong. 11 Napan iti ilina, ngem saan nga inawat dagiti kailianna. 12 Ngem kadagiti amin nga immawat ken namati kenkuana, inikkanna ida iti kalintegan nga agbalin nga annak ti Dios.